Кіроўца/машына з Менску, паводле нумарацыі рэгіёнаў на аўтамабільных нумарных знаках Беларусі (ХХХХ ХХ - 7). З нядаўняга часу ёсць яшчэ і "васьмёрачкі" (ХХХХ ХХ - 8). Паміж "7" і "8" ідзе негалосная барацьба за "прэстыж" - з аднаго боку, "сямёрачкі" трушныя, "каранныя" менчукі, якія свае нумары атрымалі на самым пачатку раздачы па праве нараджэння, а "васьмёрачкі" могуць быць і галімымі панаехамі. З іншага боку, "васьмёрачкі" звычайна ўладальнікі навейшых машын, а сярод "сямёрачак" больш іржавых карчоў. Паводле гэтага ж шаблону існуюць і іншыя рэгіянальныя мянушкі: - "Адзіначка" (ХХХХ ХХ - 1) - кіроўца з Брэсту/Брэсцкай вобласці - "Двоечка" (ХХХХ ХХ - 2) - кіроўца з Віцебску/Віцебскай вобласці. - "Троечка" (ХХХХ ХХ - 3) - кіроўца з Гомелю/Гомельскай вобласці - "Чацвёрачка" (ХХХХ ХХ - 4) - кіроўца з Горадні/Гродзенскай вобласці - "Пяцёрачка" (ХХХХ ХХ - 5) - кіроўца з Менскай вобласці - "Шасцёрачка" (ХХХХ ХХ - 6) - кіроўца з Магілёву/Магілёўскай вобласці